Преполовената, по разни причини, младинска екипа на Металург Јуниор сепак беше доволна за висока победа во Битола. Можеби не 51:9, како минатиот натпревар, него само со 30:10 (15:6). Тоа е епилог на средбата од 8-то коло на СЕМОС Мултимедија машка младинска лига, помеѓу РК Пионир и РК Металург. Нашите момци прокнижија уште една победа, и се најсериозни кандидати за шампионскиот пехар во оваа конкуренција. Битолскиот лигаш се држеше до 4:4, а потоа бродот почна да тоне. Разликата порасна до 9, на полувреме и 20, до крајот на натпреварот.

РК Пионир - РК Металург Јуниор  10:30 (6:15)

РК Пионир: Христовски, Јовановски, Мојановски 5, Ф.Петковски 1, Настевски 1, Стојановски, Лингуровски 1, Божиновски 2, Чороловски, Дамевски, Лозановски и А.Петковски.     Седмерци: 1/2.     Исклучувања: 4 минути.

РК Металург Јуниор: Ивановски, Сековски 5, Бор.Маџовски 3, Капиданчев 1, Крстевски 4, Ангеловски 7, Гинов, Манасков 7 и Бој.Маџовски 3.                Седмерци: 3/3.        Исклучувања: 2 минути.

Судии: Чалдаров Ѓорѓи и Божиновски Даниело од Битола.

Делегат: Трпчевски Благој од Битола.