На гостувањето во Струмица, во рамките на 21-то коло на ЕФТ Прва машка лига, нашиот Металург Јуниор дојде до нова победа против екипата на РК Зомимак М, со резултат 33:26 (13:12). Есенскиот дуел заврши со наша победа од 37:27.

Домашниот состав амбициозно го започна натпреваро. Противникот го искористи нашиот слаб почеток и, набрзо, стекна предност од три гола разлика, 5:2. Тоа како да ги разбуди нашите ракометари кои заиграа поангажирано. Набрзо го стигнаа резултатот на противникот, а потоа преминаа и во водство, кое го задржаа до самиот крај.

Интересно, сите наши ракометари влегоа во записникот како стрелци на голови, освен Маџовски Бојан кој се уште закрепнува и кој не настапи на средбата. Жарко Пешевски, кој во последно време тренира со супер тимот на Металург, и, повратникот, Ѓуровски Нино, беа стрелци на по 7 гола. Според тренерот Симовски, посебно добро бранел Ивановски Ѓорѓи.

РК Зомимак М - РК Металург Јуниор   26:33 (12:13)

РК Металург Јуниор: Ивановски, Каранфиловски, Ж.Пешевски 7, Сековски, Капиданчев 1, Крстевски 3, Мајнов 2, Ѓуровски 7, Борјан Маџовски 2, Андоновски 3, Ангеловски 2, Петковски 1 и Манасков 2.    Седмерци: 4/5.    Исклучувања: 8 минути.

Судии: Атанасовски Александар и Димитриевска Катарина од Куманово.

Делегат: Стојчевски Слободан од Куманово.